أنا سميتك الدنيا.. وأنت وش تسميني..,؟!

فديتك يا هوى نفسي مع الشدات خاويني..

فديتك لاقسى وقتي علي وناحت اشجاني..

ابيك في لحظة الفزعة تحط ايديك بايديني..

وابيك ليا شكيت اليأس تكون بساحة اوطاني..

ابيك البلسم لجروحي وابيك النوم في عيوني..

وابيك ليا مني صحيت القاك بأحضاني..

طلبتك يا بعد ذاتي اماانه لاتخليني..

تراني لو رحلت ابقى ضحية كيد عدواني..

سألتك بالله الوالي سألتك لا تجافيني..

لأني اموت بغيابك يا روحي وجثماني..

معي واصل مشاويرك اواسيك وتواسيني..

معي ابقى مثل ظلي حذاري لا تعاديني..

ابي منك الوعد أنك على غيري تبديني..

انا هذا الوعد مني ما ابيعك واشري الثاني..

واذا بلسانك الصادق نطقت وقلت تغليني..

انا بعلن خبر عاجل تعالوا اقروا اعلاني..

ابكتب داخل الاعلان الى قلبي الى عمري..

الى من صار يغليني..

اليك اهدي نغم شعري وكل عرق نبض فيني..

واليك اهدي شذى عطري وياسميني ورياحيني..

وبكتب داخل الاعلان وصية كان شاريني..

معي بالطيب عاملني ولا تجرح بهجراني..

ومهما تقسى الدنيا علينا لا تعاديني..

ولاتسعى ابد في يوم لـ عنادي وعصياني..

أبيك دكتور لآلامي من احزاني تداويني..

وأبي لاكفت أبصاري تكون النور لـ عيوني..

وأبي لافاضة أنفاسي تكون أول معزيني..

وأبيك بيدينك الثنتين تلف الجسم بـ أكفاني..

وبعد ما أكون في قبري تذكرني وتبكيني..

وما أكون حزن على بالك بس لاتغفل وتنساني..

أبي لاقالوا العذال وش اللي بينك وبيني..,؟!

تبتسم وتدمع عيونك من الحسرة وفقداني..

وتجاوبهم اني حي وبـ الأضلاع تخفيني..

وأني سلوة الخاطر معك لاصرت وحداني..

أبيك تقول هو ما مات أحاكيه ويحاكيني..

أبيك أتقول هو موجود وخبيته بوجداني..

أبيك أتقول هو دمي اللي في شراييني..

لأنك دمي اللي كان يضخه عرق شرياني..

وأبي لازادت أجروحك تخيلني وناديني..

وتفتش داخل شعورك وتهمس لي وتلقاني..

وإذا طال السفر أقرا كتاباتي ودواويني..

وقل يا كثر خلي كتب لي شعر وأهداني..

ترى لو للقصيدة عيووون والله ما تفديني..

لأني للقصيد أعيون واسمك رمز ديواني..

وترى لو للحروف أهداب تعجز لاتغطيني..

لأني للحروف إيحاء و وحيك سر عنواني..

تداركت الزمن يمك ألا ياليت يمديني..

أخاف اجيك متأخر وسيف الوقت ياطيني..

نسيت من أجلك الصادق اللي الروح يعطيني..

ونسيت الأول والآخر والقاصي مع الداني..

وجاري المسح للباقي وانت اللي تكفيني..

حرام أحط معك غيرك وأحبك وأظلم الثاني..

كفاية همسك الحاني إذا جاني يدفيني..

ويبدد وحشة ظروفي وتشرق الفرحة أكواني..

تراك بعالمي شمعة تبدد ظلمة أسنيني..

وتراك بدنيتي دنيا لها لون وشكل ثاني..

ودنيا ما بها حسك ما بيها وعمرنا فاني..

أنا سميتك الدنيا.. وأنت وش تسميني..,؟!

دمتمــ لمن تحبون..
الـ روح ـورد

يعطيك العافية ع القصيدة الروعة

لاخلاولاعدم عشوقة

تقبلي مروري

يسلموووو
يآلغلآ بنوتات
لآتحرمينا من عطركـ
الدآآئم نورتــــــــي

يسلموووووووووو على القصيده الرااائعه

ولاتحرمينا من ابداعك المميز

يسلمج ربي
لآتحرمينا من عطرك
الدآآآئم ف متصفحي
نورتي

» يازينڪ وأنت سـاڪت ~
» |[ يازينڪ وأنت سـاڪت . . !
» نام وأنت تحلم أحلام سعيدة
» تخيل؟؟ وأنت بالمنتدى في قسم الصور ..وهذا موجود
» من الصعب ان تحب شخصاً وأنت تعلم بانك لن تكون له‎