قصيده في غلاء الا سعار
الراس صاير فيـه ورشـة حـداده***قام يتحلل فيـه مسمـار مسـمـــار
قلت الركـاده ميـر ويـن الركـاده*** كنّي مع الحجاج في رمـي الاجمار
من عقـب ماجانـا قـرار الزيـاده*** من مجلس اهل الجود وافين الاشبار
كـلٍ مـن الفرحـة بيقـدح زنـاده*** جبنا القروض نضارب السوق وانهـار
وجينا نبي بـس الرجـا والهـواده***والله وكيلك شبّت اسعارنا .. نـاااااار
والراتـب الماخـوذ جتـه القـراده*** ماينزل الا..صافقه مثـل الاعـصـار
فاتـورة الهاتـف وعاجـل سـداده*** والقرض والكهرب وتسديد الايـجـار
والتاجـر المليـان جـاب الوسـاده*** يبي يوصّـل راس مالـــه لمـلـيـار
والا المواطن صار سهل اصطياده *** جته الهوامير بوسَط غـب الابحار
واصبح نهار وليـل وسـط العيـاده*** مابين طب الراس والقلـب وشهـار
يامـن يوصّـل كــلمتـي للقـيـاده*** لـلحاكم المحبوب والوالد البار
ماعاد نبغـى فـي الرواتـب زيـاده*** اللي نبيه اليوم تخفيض الاسعار
وسلاااااااااااامتكم
ملطوووووووووووووووش