ليه محبوبك يخون ؟؟‎

ما أصدق قلبك الطاهر نساني
وما أصدق حبنا عندك يهون !

تاه تفكيري وضيعت المعاني
وأصبحت دنياي يقتلها السكون

صارت الكلمات توقف في لساني
والدمع محتار في وسط العيون

كيف أفسر غدرك اللي قد كواني؟
في صميم القلب واحتل الجفون !

روح وخل جروحك تنور مكاني
حتى جرحك يابعد عمري يمون

ماانت أول من ترك قلبي يعاني
وماانت أول من زرع جوفي طعون

نبضي، شوقي، إحساسي، حناني
أتعبوني دوم عنك يسألون ،،!

وش أقول لحلمنا وأغلى الأماني؟
وش أقول لهالمشاعر والشجون؟

وش أقول لحبك اللي في كياني؟
لو سألني: ليه محبوبك يخون ؟؟